الى حبيبتى الكنانه

نغم ف سقف الروح شعر/ أحمدعفيفي

{الى حبيبتى الكنانه}

ربّك والحق ..

انا مش بيّاع

ولحد حدود القلب..

أسير

وبغير لو اسمك

م بقاش فوق

م هو اصل

ف قلبى لحبك ..

باع



ياحبيبتى انا فارس

حب.. وطاااااااااع

راصدينك والله

عيون حاقدين

بغزلّك درع

وغصن زتون

علشان ف الوعد

اوفيلك دين



ومنين م ح اكون

راح اقيدلك شمعه

ان كنت سعيد

او بنزف دمعه..

افتحلك قلبى

بكل حنان

وارفعلك عزم الهامه

لفوق

وادوق ويّاكى العمر

امان

يجمعنا الود

وحبل الشوق

.......

ياغاليه

ده قلبك والله..

سماح

وانا خيل مرماح

بيعافر بيكى

اتاريكى بتدّى..

وفارده براح

علشانك مهد

وفاكره.. ماضيكى

وعارفه بانك

نبت جساره

وشايله اماره

بعمر الكون

م يكون احفادك

الا فراعنه

بيسقوا الصخر

مهاره, وفن

..............

بقولها بقلب صبى..

وشاريكى

انا عينى عليكى

م بردت لحظه

ح ادفّى عنيكى

بورد صبوح

وف سقف الروح

اعزف انغامك

لاجل م يعلا ويعلا

مقامك

يصبح لحن وفرح

وغايه

مصرهي امي
...............
.............
..............