|
|
الى حبيبتى الكنانة ســـاعة الخــطـــر(شعر)
منتدي شعبان مجاورعلي المحامي ـ أهناسيا ـ بني سويف مصــــــــر :: الفئة الأولى :: ******* ثالثا : المنتدي الأدبي
صفحة 1 من اصل 1
الى حبيبتى الكنانة ســـاعة الخــطـــر(شعر)
الى حبيبتى الكنانة
ســـاعة الخــطـــر ....شعربقلم //أحمد عفيفي
***************
متبعتره قطوفك
مهزوزه من خوفك
الوهم قصّر مداكى
عرّاكى
لحظــــة برق
بعافر/
ابلع ف ريقى
لاجل
ما يطرى الكلام
ف الحلق
بصرُخ
بقول: ياجـــــاى
رسونى/
ع اللى جــــاى
****
هبو العطب
شرنق على عينى
انكفيت
وانا لسه بمسح
دمعه من جفنى
سيرة الخوف بترجفنى
دق القلوب/
مش حنين
مادام الخوف
والقلق صاحيين!!
شدينى من خوفى
وبلاش
حدوته منعاده
شطّ البراح يندهك
تنسى.. كما العاده!!
*******
واقفه كما الاغراب
لا طمنتى الستاير
ولا التراب اتنفض
حلمى ارتبط بنشيد
ولحظة ظفر
انا طير وواخد
ع الخطر
لونك بشوفه
مش بلون
كل البشر
لون الحقيقه
حين/
م تجرحها الظنون
***
{ايه اللى بينّا
مهول
مهوش منسجم؟}
موات
بيخرج م الحياه
وحياه
بتخرج م العدم
ضفّرت
من نسج الشكايا
سجادة بُكا
ومن دموع الاخيله
بنسج حياه
****
كان نفسى
اضُمك ف الشتا
واغسل شوارعك
م الحـــــواه
وانعى معاكى
صبرنا !!
لو تسمحى؟
م بتسمحيش
مش ده المهم
مهم انا
احفظ فروضك
جوه روحى
لحين
م يشتدّ الخطر!!
[وحدهم المشرفون لديهم صلاحيات معاينة هذا الرابط]
رد: الى حبيبتى الكنانة ســـاعة الخــطـــر(شعر)
[ندعوك للتسجيل في المنتدى أو التعريف بنفسك لمعاينة هذه الصورة]
منتدي شعبان مجاورعلي المحامي ـ أهناسيا ـ بني سويف مصــــــــر :: الفئة الأولى :: ******* ثالثا : المنتدي الأدبي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى