((( قايمة انتظار ))) شعر / فتحية محمد

( من ديوان – معادلات صيني - للشاعرة فتحية محمد )

((( قايمة انتظار )))
كم حلم واقفين علي بابي
مستنين .......
الاذن بالدخول
في وسط العتمة
هسيب فصلي موارب
يمكن
بكرة المشتاق ليّا
يتسحّب....
يكتب ع السبورة
(ناجحة ومنقولة لعمر جديد)
هاخد كراستي وقلمي
وارسم همّي
متضفرويّا سنيني
واربطهب فيونكة
يمكن تنفك
وآخد
عشره علي عشره
ونجمة
تعاقب حزني القديم
اللي ذنّبني طول العمر
وطردني بره الفرحة
مع كام ضحكة بريئة
وشمّت فيا دمعة خبيثة
بتشدني
علشان ما جاوبش
ال مّ بتصرخ :
افتحي إيدك
واحفري جوا الروح
طريق للوهم
الدمعة تزأطط
تكسر إزاز القلب
الدايب
وتعلّم
بالقلم الاحمر
في آخر القايمة
مكان اسمي
وتعلن
اني
بره
..... قايمة الانتظار