منتدي شعبان مجاورعلي المحامي ـ أهناسيا ـ بني سويف مصــــــــر
*منتدي شعبان مجاورعلي المحامي يشرفه زيارتكم وتسعده المشاركة*

انضم إلى المنتدى ، فالأمر سريع وسهل

منتدي شعبان مجاورعلي المحامي ـ أهناسيا ـ بني سويف مصــــــــر
*منتدي شعبان مجاورعلي المحامي يشرفه زيارتكم وتسعده المشاركة*
منتدي شعبان مجاورعلي المحامي ـ أهناسيا ـ بني سويف مصــــــــر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

صاحب منتدي رايح يخطب

2 مشترك

اذهب الى الأسفل

صاحب منتدي رايح يخطب Empty صاحب منتدي رايح يخطب

مُساهمة من طرف AlaaEldeen السبت 11 يونيو 2011, 12:12 am

فى صالون احدى الاسر المصريه نجد المشهد التقليدى شاب مرتبك يتحدث مع رب الاسرة والام وبنتها بيتصنتوا من ورا الباب المقفول"
منور يا ابنى
- ده نورك يا عمى
- اشرب النعناع اللى انت عاوزه
- ميرسى
- كنت عاوزنى فى ايه باه؟
- يا عمى انا يسعدنى ويشرفنى انى اتقدم واطلب ايد بنتك سوسو
- والله يا عصام يبنى ده انا اتشرف بس انا معرفش حاجه عنك
- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى
- يعنى اسال عليك فى الاماكن دى؟
- طبعا وانا معروف جدا هناك ودى data مبتكذبش اسال بس عن سكوربيون
- مين؟
- سكوربيون ........ انا.... ده مفيش حد على النت ميعرفنيش
- طب يبنى شغلتك ايه؟
- يا عمى انا web designer
- ايوه يعنى بتشتغل ايه؟
- بصمم مواقع على الانترنت
- والله كويس جدا كمبيوتر يعنى
- تقدر تقول كده
- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟
- اصلى مش مهندس اصلا انا دكتور اسنان
- الله ............ .طب ما علينا بتشتغل فين؟
- على الكمبيوتر بتاعى
- ايوه يعنى فى شركة ايه؟
- لا تبع نفسى
- وماله الشغل الحر مفيش احسن منه طيب شركتك فين ولا فاتح محل؟
- لا فى البيت عندى عادى
- طيب بتقبض كام؟
- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته
- طب اخر موقع اخدت فيه كام؟
- لا اخر موقع ده كان لواحد صاحبى عملتهوله مجامله
- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟
- اه طبعا عندى
- ايوه .......... عندك ايه؟
- منتدى يا عمى
- ده ايه ده بأه ان شاء الله؟
- ده برده على النت بس عندى فيه دلوقتى عشرين الف عضو يا عمى
- ما شاء الله طب والعضو بيدفع كام عضويه فى السنه بأه؟
- لا مش بيدفعوا ده انا اللى نفسى ادى الناس فلوس عشان تشترك
- لا حول ولا قوة الا بالله طب ليه يبنى الغرامه دى وعامله ليه؟
- منا هكسب من الاعلانات يا عمى انت مش معايا ولا ايه؟
- حلو اوى المنتدى بتاعك ده يشيل كام اعلان؟
- ممكن لحد عشرين
- طب وبعت الواحد بكام؟
- لا لسه محدش اعلن عندى لسه
- طب يبنى عايش منين ولا بتصرف منين ولا حتى هتعيش بنتى منين؟
- منين ايه بس يا عمى ده انا معايا فيزا محدش فى بنها عاملها
- يبنى فيزا ايه بس بقولك هتجيب فلوس منين؟
- من شغلتى والمواقع اللى انا بعملها
- وهى فين دى؟
- منا مديلك لسته بيها هتستعبط؟
- لا يبنى انا مجوزش بنتى لواحد شغلته فى الهوا كده
- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......
- ولاااااااه
- نعم
- انت عارف لو غمضت عينى وفتحتها ولقيتك قدامى هعمل فيك ايه؟
- ايه؟
- امشى اخرج بره
"يخرج سكور بره جرى"
- ادى يا ست سوسو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه

AlaaEldeen
AlaaEldeen
مشرف
مشرف

عدد المساهمات : 15
تاريخ التسجيل : 09/05/2011

الرجوع الى أعلى الصفحة اذهب الى الأسفل

صاحب منتدي رايح يخطب Empty رد: صاحب منتدي رايح يخطب

مُساهمة من طرف شعبان مجاورعلي المحامي السبت 11 يونيو 2011, 12:26 am

الحمد لله انا بفضل الله محامي وربنا جاعلها سبب بنتكسب بيه
ومش ها اقول اني عندي منتدي
احسن اهل مراتي يفتكروا اني نصبت عليهم
زي ما انت نهيت القصة
عموما حلو وذات هدف
دمت بدون منتدي
شعبان مجاورعلي المحامي
شعبان مجاورعلي المحامي
المدير العام

عدد المساهمات : 1408
تاريخ التسجيل : 05/05/2011
الموقع : مصر

https://shabanavocat.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى